Smīklu osorys (turpynõjums 4)Mes ar gudreibu jau grõvī, Tī kur senču kauli blõvoj, Põrbrauks põri malnūs roti, Lomojīs voi dyuri kroti... Sauļis izgrīži 47 Kas tī raud pēc simetrejis? Ryndā atejis stõv, verīs! Svātki tikai tagad sõcās, Koč i mokūņi jau mõcās… Leigū, Jõņi - vīna olga, Ols te plyust kai krīvim Volga, Suņi kaulus rej kai troki, Sābrim beidzūt golvā rogi! Soka: tei ir tautys mūde, Skrīt uz veikalu kai lūde, As vairs natycu ņivīnam, Ņi vairs olam, ņi vairs pīnam… Naskam šefte myusus bendēt, Montu kārot, zemi rentēt, Mes kai vuškys dzērkļu varā, Jī pat Sauļi pīsauc karā! Poši jī zam mēness gonõs, Naradzami iztapt monõs, Kod ar laiku glupī izmērs, Gudrī vysus stobūs izsvēŗs… Sējis gaidõs 48 Rudiņs orums meļņei pļovā, Sārbris otkoņ īkryts grovā, Ceiruļs leiksmu dzīsmu zvona, Prīka pasauļī šai gona. Dorba pylnys rūkys maņ, Sīva zõdžei - ausīs skaņ, Soka, lai as sātu ītu, ...i verās dūmeigi uz mītu. Kū tu stresoj, trokõ bõba, Tu uz vysu golvu slõba! Zeme slapna, kur as leišu, Lobõk klusom svīstu ņeišu. Kaidu svīstu, uzpyut dvoku, Tu maņ’ padareisi troku, Otkoņ sābris garom gõja, ...navītā tei myusu mõja. Kū ta jys - as varu pats, Varu vāļ na tai „poddatj”! Zeme drebēs, sīvys bļaus, ...ja šmakouku maņ lakt naļaus! Komēr nīris, oknys tur, Dzeive jautrys dīnys bur, Seita mõga šmygys pylna, Kai leita laikā vuškys vylna! Skrīn kai vējš… 49 Vējš pa gaisu vysu raun, Sābris krostā knapi maun, Vātra kūkus zamu līc, Tauta sātõs õtri dīdz. Dobys stiheja īt vaļī, Spaņi pylni sātys maļī, Byus kū cyukom acalakt, Pirms īt mežā zeiļis rakt. Kū tu sēdi, būļi acs, Nazaver, ka asi vacs, Tys ir vīgļõk nakai īt, Nazkū daŗēt, nazkur skrīt… Kū tu, brõļ, par mõgu syudzīs, As ža radzu - tu jau jyudzīs, Met tam mīru, sorgoj prõtu, Nav vairs kam, lai montu krõtu. Jaunatņei tys viss pi kõjis, Voi tī dõrzi, dzymtõs mõjis, Vyss kū kazino jam prīkšā, Tys jīm grūzos golvu īkšā... Sovvaļnīku likteņs 50 Vasals! Vasals, brõļ, īkš Dīva! Kõ taids bõls? Kū rūka tīva? Dīzvoj zeme tevi baroj, Dreižõk hamburgeri karoj... Karoj vādarā i golvā, Karoj kultūrā i spolvā, Nav vairs vītys dzimtā sātā, Kur sper kõji – sõļs līn rātā... Bārni repoj – jyuzys ceļūs, Prõta tai kai pārnūs teļūs, Mērkačojās malnīm leidza, Koč i institutu beidze. Dainu skapī kola bryunei, Jaunīšus kai teķus ryunei, Mozbārni jau pautūs kauti, I bez kara stūbrim šauti. Naād zõļi vairs ņivīns, Mīsos ryuguļs a na pīns, Ašņī plõvoj skõbi syudi, I dēļ to tev bõli byudi. Gribīs õtrõk kopūs tikt? Gribīs senčym „faku” likt? Tikai kopi eistim veirim, Tautys prõtā itin teirim! Taidus puišus valk uz guņi, Krõsnīs labi dag kai suņi, Beja tautīts a voi nā, Mekļei Dīva kartotekā... Spūku sādža 51 „Nu vasals, brõļ, kur īdams reita rosā?” „Sābris võrgs - šmakovkys tik prosa! ” „Lai izbeidz lakt, i varēs pļovā skrīt! ” „Voi smejīs – dreižok suņi põrstõs rīt …” Tai dzevojom i trucejom vīns ūtru, I tautu mocēt as jau arī palīku par kūtru, Tik skumeigs verūs, kai roti kloudz uz kopu pusi, Bet tauta komā guļ pat ausu nacāluse… Jau otkoņ Vladzuks šmygu taisa, I raugu, cuk’ru i apeiņus pa vērsu maisa, Ak, cylvāl mīlīs, kaut zynotu ka tys nav ols, Tik bryuna braška nu kurys atīs gols… Sušmurleja 52 Šudiņ Rāznā plõvoj zuši, Reitā tī jau Reigys suši, Japõņrestoranā snīgti, Ķīnīšrūkom maigi žmīgti. Tai i maunom māslūs svešūs, Vakar pat uz tērgu nešūs, Dūmõju, ka buļbys vāga, A tī jau ĢMO bez jāga… Lai jī nūsprõgst - pats apēšu, Spāka pylns as mežu plēšu, Sovu valsti celšu pyurā, Pili byuveišu tod myurā. Bõbu atrašu, kas raus, Nazoļis i zoļi pļaus, Bārnus taisēsim ar prīku, Nabyus ādõju mums līku. Vysi strõdõs vīnūs svīdrūs, Parauga lai myusus pīdrost! Byusim braši, lelā pulkā, Kotrs kūsīs boltā bulkā! Kū tī suši - võrguļstudiņs, Vysi gudri komēr rudiņs, Pavasarī radzēs valnu, Naspējūt pat paceļt dalnu! Teļa lūma 53 Sukoju lānu pa ceļu uz sātu, Dzeru, pa klusū, as olu tik lātu, Ka ģeibst cīma myusys lidojūt klõt, I zynu, ka duraks, a navaru stõt... Jau sātmaļa burkos speidumu mat, Caur zedeņim radzu kai teleiti vad, Laikam pi vērša staigõja gostūs, Tai ka byus pīns, kū acalakt postūs. Kas tei par dzeivi - naradzu smaidus, Eh, padzeršu šudiņ, kod najyutu spaidus, Te bazņeica strūstej, te zoļļukūs jem, Bez maņa jī munu likteņi lem... Ticeigys pordūmys zam šņabeiša 54 Šņabi dzerom, dzīsmis dzīžom, I ar sābri gudri sprīžom, Svātūs rokstus losom obi, Izsauc maņ tī tikai škrobi... Kaida valna pēc tys dīvs, Tik pat nažēleigs kai krīvs, Bārnus slaktei, bobys neist, Apkõrt vyss tik šķeist i pleist... Žydu dīvs lai žydus bīdei, Latgalīšus tikai smīdei, Īsi sastdiņā pēc molkys, Saspers zibiņs vysys tolkys? Nu voi tai tõs lītys dorõs? Tai jau syudi vysõs molõs, Vajag deveitdīnys slavēt, A na tukšā mīsā gavēt... Tjaņšaņī kõpējs 55 Otkoņ žēļs ād maņi nūst... (kaida mauļa! ), Starpeibys naradzu - bīzpīns voi grauļa, Naskas ir jõdora, prõts jau sõk jyugtīs! Un bezjāgā apņics jau Džizesu ir lyugtīs! Sēžu pi golda, saprūtu vīnu, Nagrybu vairs ņi olu, ņi pīnu, Grybu kai Goltis, Tjaņšaņī kõpt, (Un sīva jau seņ taisejõs krõpt…) Sadūšu „bītī”, lai atcerās maņi, Lai pīraud ar os’ram koč pylnu spaņi! Nav ko te maņi zam tupeļis dzeit, Un sovõs bõbišķõs intrigõs peit! „Kū mauroj kai teļa nada*ysta, Naīsi tu pi tõ fašysta! As tovs veirs Dīva prīkšā, Un tovs kungs zemis īkšā! ” Kolnūs as kõpšu pasauļi taustēt, (Ite na võrnas ar pļintouku šaustēt! ) Byušu kai ērglis pasauļis võkā, …voi buļceņa spolvainūs Jetiju mõgā. Bet lai tī maņi par normālu jymtu, Vajag maņ nūsvīst vysmoz kaidu symtu, Bodõtīs slynkums, zõļi āst - grāks, Īraušu šmakovkys - vot tai tik ir spāks! Vādars 56 As asmu lels un rasns vādars, Kas saād maizi, svešu dūmu, Un juzoj maņi kai ķenguru sūmu, Gon mārketu fetišs, gon valdeibys radars. Voi teļuku verīs, voi traktorī dzerīs, Daudz skaistu lītu vādarā pyust, Kai šokolads sauļī steidzeigi ķyust, „Ko sēdi maņ īkšā – õrā tok berīs! ” Byus māslõjums zemei, varbyut i tautai, Kas nõkūtnē dzims, lai otkoņ tikt šautai, Jū tõļõk, jū trokõk pasauļe brīst, Tik muna saime saplyuk un dzīst... Vādarā vysaidi gordumi ryugst, Voi kaids nu to vysa lobumu ģyust? Varbyut tai kai filtru izmontoj jū, Patīsū slēpjūt un svareigū! Cilvēce beigsīs – beigsīs i āsma, Pādejūs siļdēs grõmotu lāsma, Põtori izčybēs, izplēnēs mõņi, Vādarim tukšym sērss pādejī Jõņi... Lõča prīkšnūjautos 57 Slynkus dyumus šķūrstiņs gona, Un sauļis šudin ņikur namona, Voi nagaiss sīnu raus pa gaisu, Voi sābris sīvu tēs ar maisu… Kas nūtiksīs - kas zina tū... Kas remdēs prõtu ziņķõreigū? Tai navar byut, ka nabys syudi, Jõ mokūņim ir malni byudi! A kas tī taids caur kryumim rõdīs, Ļeiņ õrā, rõdi rūkys, prīkšā stõdīs! Ja gūda veirs - tod nasļēp sērdi, Nu, a ka māsls... dabõsi ar vēdri! Te pēkšņi verūs, lõcs uz maņi būlõs, Nu vysa drūsme saskrēja maņ ūlos, Tik rodõs dūma izaļikt par beigtu, Lai jys ar munu mīsu mīru leigtu... Styndzūņs 58 Rūceņis saļ, kõjeņis saļ, I kačeiša nav, kas „patmaļys” maļ, Zeileite sytās gor lūgu kai troka, „Speķi maņ ņes! ” – caur kņõbeiti soka... Prīceņi zīmā – sõrsna un guņs, Laimeigs kas syltumā – cylvāks voi suņs, Verūs caur styklu kai sprāgoj sols, Un dūmoju sevī – tys nav vēļ gols! Sasiļdēs sauļeite zemi un gaisu, Izgaismõs veļainū tymseibu baisu, Lāstekys piļēs atvārtā mutī, Atlidõs dīnvydu čāgõni krutī... Izteirēs teirumu, izbrodõs pļovu, Lai pīsist ar vardivkom vādaru sovu, A ūdus kas ģyus? Kas apsorgõs dõrzu? Tauriņu bārni atstõs tik gõrsu... Labi ka zīma izsaļdei võrgūs, Mozeņūs sušķus un kaitēkļus borgūs, Bet rūceņis kaiņibejs padusis syļdēs, Un syltuma gaidom prõteņu piļdēs… Sīvai 59 As sīvai moksoju alimentus, Un dõsni bõrstu komplimentus, Par dālu-dzejnīku nu Dīva, Paļdis Tev – Tu beji loba sīva! Jau pensejā nu obi mes, Jau mozdāli dreiž griķus sēs, Un seņ maņ nav vairs tīsys sūdu, Bet as jūprūjom naudu dūdu... Par tū, ka naskod mīla zēļe, Kaut vacõki un sābri pēļe, Par tū, ka atrodi Tu maņī oku, Nu kurys veldzētīs, bet navys moku. Un laikūs tymūs vysi „plõni” beja, Bē danči, dzīsmis, jautra dzeja, Mes napētējam, kas kam ķešā, Lai napalikt bez draugim – bešā... Pēc dasom, šņaba kaulus lauzem, Un vysūs svātkūs „Prīkā! ” saucem, Jā, dumji bejom – vīnkõrši kai vuškys, Un nazabeidom mes ņi infarkta, ņi puškys... Ak, sīva bejušõ, paļdīs par dzeivis strāči, Ka napadzyni tod kai vacu kači, Paļdīs, ka nasaudzejūt sovu gūdu, Tu maņī saskatēji cylvāku na *ūdu. Staigõjūšõ nalaime 60 Mõkūņi kaunās – vysapkõrt dzērd dõrdus, Zebiņi saspõrda dūmys un võrdus, Nagaisa laikā vyss nīceigs un mozs, Un cilvēceņš vyspõr kai kukaineits boss... Nagaiss pat dvēselī sõc šķirõt montys, Kai arbitrs õrdõs – dzērd tikai skondys, Krota kai maisā gon Dīvus, gon dobu, Dokinzu pīlyudz kai prāvestu lobu. „Naspõrdi, zibenteņ, - rimstīs, kam soku! Šķyuņs guņī jau – nu tys ir par troku! Staigule mõte un haoss tovs tāvs, Verīs, jau līsmoj sentāvu klāvs! ” „Ja jau Tu lej, tod lej kai nu spaņa, To tikai zibsnis nu Teve un skaņa, Yudiņi atnes – kõ žmīdzīs voi radzi, Nalaimis skorti lyuzt pādejī vadži! Svora vārõšona 61 Kod maņ ir vyss, kū viņ var kār&ot |
