FILMAS BILDES APSVEIKUMI VĀRDA DIENAS ČATS REKLĀMA oHo.lv
Lai lietošana būtu ērtāka, lūdzu, pagriez savu tālruni!
Reģistrētiem lietotājiem



Reģistrēties Aizmirsu paroli!
Toms2 dienasgrāmata
 Ceturtdiena 10-06-2021 07:16 12  40

Kā Riekstiņš ar Jezupu Murmastienā kuili kāva

Itai man stosteja pats vacīs Rīksteņš, tys, kas beja Borkavys sovhoza galvenīs agronoms, muns sīvastāvs. Tys ap pīcdesmitū godu vidu nūtikās. Edmunds tod vel mozeņš beja, a Tovys sīvys Ligitys veļ vyspor nabeja. Dzeivojām mes i strodojām tod Murmaškānūs. Nedeļu pirms Zīmassvātkim atīt pi miusim sābrene Geņa. Sēd virtuvē, dzer čaju, rij biskvītus, i vīkšās, vīkšās, navar pasceit par kū atsanokuse. Brīsmeigi skūpa i skaudeiga jei beja. Nikai navarēja pordzeivūt, kod man kolhozs emku ar blakusvāģi piešķīra. Obi ar veiru Joņi strodoja kai troki. Lūpi pylns stalis, vysam zortem: i gūs ar teļu, divi cūķi, kuilis, pulkāki vucani ar vuškām, vystys, truši . . . A visi tod jāpībaroj ! Poši āda paplānu zupeņu treis dīnas, da maizi bez svīsta. Obi kai izakaltuš žeperi staigoja, nav nikaids breinums, ka Joņs nūlykās uz gultys.
  • Nu kas tod miusu sābrenei uz sirds ! ? Prosu, citaidi, dūmoju, nūrīs veļ vysus capumus, jau tai par pīci minuti puse škeiva nav.
  • Vāāi, kaimeņ, Joņs nūkryta uz gultys ar muguru, abet Zīmassvātki daguna golā, bejam dūmojuši vaislai turātū kuili durt. Vai tu navarētu reit nu reita atsanokt paleigūs, kū ? Jezups ar Ontonu jau sarunoti, kū ? Tu tik pajam lelū vocu durkli i īdur, Tev jau taida taisna acs i styngra rūka, kū ? Pa trejim jius otri nūsvylinosat da sadalīsat, kū ? Tu nimoz brūkastu mojā naēd, es jius pabarūšu pirms dorba i čarku īlīšu !
Vei, vei, cik saldi izakūkojās ! Kai izagrūzās i glaimoj, karkata vacā. . .
  • Kotram pa pudelei šņopsta i ols cik var izdert ! Itaidā solā vysu dīnu pa oru ņemtīs nav jūka līta, ka pats veļ nanūkreitu !
  • Lobi, lobi vyss bius ! Tod noc pirms gaismeņis, kāmār brūkastu ēdīs i gaišs bius, kū ?
  • Lobi, tikai nū reita nadūd kuiļam niko ēst, kamēr es naesmu atsagojis.
Ūtrā reitā tikko gaisma soka svīst, aizbridu uz sābrīm ar durkli aiz jūstys. Pī stali Jezups ar Ontonu jau meicās solā, saūduši polštopku par zilām acīm, navar mojā nūsēdēt. Jezupam rikteiga bārza vāle leidza, a Ontons šūpoj rūkā lūdlampu. Jezupam lobā acs beja nū stykla, asūt zaldatūs artilerijā koč kas toļi aizdedzīs, toļi uzsprādzis, i acs pagalam. Medeibās jys goja pi mums par dzinēju, tokš kai tod tu nū labos rūkys ar kreisū aci nūmērķēsi ? Ontons gon beja lobs kāvējs i svilinātājs, dzelu zynoja, ja pirms štelles pārok napīsadzēra . . . Atklumburova pa snīgu Ģeņa i vad mūs īkšā stalī, rodeit tū kustūni. Nu, broleit, kuils, ja ne brangoks par pošu Geņas Joņi . . .Taidu ar durkli . . .Man vādarā tai siudeigi īzaskrāpejās . . . Bluķi un vacās škiuņa duris asūt tepat toļok sīna škuinī, nu bet lai tak nokūt ustobā uzkūst koč kū ! Nūsādinoj mius pi golda. Zakusku lobu salikuse, laikam kauns, ka izastosteis vāļok pa dzerevņu, kaida jei žmūga. Treis pudelis pošu šmakovkys taže izlykuse i kriuzi ols. Īdzaram, īādam brūkastu, gaismu gaideidami, i porsprīžam operaceju, kurš kū un kai dareis. Staļam īeja beja nū sīna škiuņa, tys lobi, škiuņam navā grīstu. Stalī Jezups nimaz navarētu atvēzēt sovu vāli deļ zemajīm grīstīm. Pa tam Ontons, ticis pī breiva brandava, tik lej visīm šmakovku. Pasaucam Geņu i soku:
  • Kod bius rikteigi gaišs, tad soksim, citaidi škiunī bez eļektribas es neredzēšu kur durt. Kod teikšu, Tu īlīsi kuiļam silē putru, i kamēr jis rīs, mēs Ontonu īīsim aizgoldā i aiz prīkškojam izrauism jū sīna škiunī, kur Jezups ar atvāztu vāli jau gaidīs. Pa pīri, durkli ribās i gotovi rudzi ! Visi pīkrītoši māj ar golvam, i šņapstojam i uzkūžam toļok. Otons tik lej visīm šmakovku . . .Obi jau palīk galeigi pļāpeigi i līlās kai pus murmaškānīm cūkys apsituš. Jiutu, čorts, siltajā virtuvē šmakovka tīri labi sit pa kopkinu, abet dūmoju – nikas, izīs orā, solā - nūsastosīs.
Beidzūt gaišs, i ceļamīs, i sokam. Kuils neēdis - metas pī siles i rij, golva uz leju. Ontons apīt jam gar pakaļu ūtrā pusē i uz munu mājīnu raujam katrs sovu prīkškoju gaisā i stīpjam uz škiuni, lai šis nadaboj ar pakaļkojam acaspertīs. Skotūs, Jezups, bļac, greiļojās ar vysu atvāztū vāli. Aizgoja taida jezga ! Kuils kvīc, Geņa spīdz ! Es klīdzu Jazupam:
  • Sit, sit !
Ontons otkan klīdz:
  • Ja Tu siteisi tur kur Tu skotīs, es laižu tū kuili vaļā i lacu nūst !
I jam i aizlac ar. Kuils pajutis pamatu ar trim kojam, kai rauj uz durovām ! Jezups ar visu vāli gar zemi, durovas astrprāgst vaļā i kuils kvīkdams pa snīgu prūm pylnā hodā ! Bļac, vyss žvingulis ar reizi izagoja ! Jūžam pa lauku visi treis kuiļam pakaļ. Skotūs, jis dasoj taisni uz lelū melioracijas grāvi i tur pazūd. Pīskrīnam – kuils īlūzis ledū, golva vīn laukā, kvīc kai troks ! Tur daudzi avūti ītecēja tai grovī, pa tam nabeja lāga aizsalis. Kamār aizagoju da sātas pēc bises, kamār treis lūdes īšovu kuiļam golvā i koklā, kamār ar striķim izvylkam itū gūvi nū grova i aizavylkam da Geņys, beja jau pori pusdīnam. Es beju slapš līdz ādai, nūmūcejīs da besa. Pasceju, ka īšu da sātys porvilkt sausys drēbis, citaidi tiuleņ sasals ragā. Nūsaspļovu i atpakaļ vaira nagoju. Lai tī dolbajobi poši tīk golā.
  • Vot tai znūt ! Vajdzieja itū zvāru izreizi ar bisi šaut, nevis prātot par baksteišonu ar durkli.
Tod radz nū kurīnis sīvastāvam taids ikurat jūceigs teicīns, kū jys šad un tad lītoja, kad vajdzieja ātru rezultatu ! “Cūku ar kabatas nazīti neviens nekauj”.
Koopereatīvu laiki Jaunjelgavā A čangaliski ?
citi ieraksti Toms2 d-grāmatā (~13)
Komentāri
Hiacinte_B: Lobs!
#1
2021-06-10 08:52
Toms2: Pateicos.
#4
2021-06-10 13:01
langstins: Kā ,tu čuils,šito dabū gatavu...
I storija-pazīstama.Katram savs stāsts.
Lielam kuiļam šauj ausī.
#2
2021-06-10 10:50
Toms2: man muzikala dzirde un skanas atmina
#3
2021-06-10 12:58
jozolsen: Labs. Iz dzīves.. Man fāters arī bija agronoms.. Ar moci ,tad ar moskvīču, bobiku..
Iz dzīves. Ieblieza suķim, atrubījās..Iesprauda durkli..Aizgāja stresu noņemt ar kādu čarku.
Suķis atčohnījās un pa lauku prom..Bija netrāpītsa, garām iedurts..
#5
2021-06-10 15:59
jozolsen: Pš. Vēl bija pasākums Lielie kāposti no suķa kakla, kamēr vēl gaļa siLta..Visi pilsētnieki tā pļūtīja... arī ,tagad sauktā dzīva, govs piena.
Kurš ir ēdis CEPTU govs pienu?!!
#6
2021-06-10 16:03
skarba: #6 Garšo abēdu kāposti.Ceptu govs pienu arī esmu ēdusi. Gards.
#7
2021-06-10 19:02
Pārējos 5 komentārus var lasīt tikai oHo.lv reģistrētie lietotāji.
Tavs komentārs

Komentārus var pievienot tikai reģistrēti lietotāji.


Iepazīšanās portāls oHo.lv
oHo.lv administrācija neatbild par iepazīšanās sludinājumu un pārējās portālā paustās informācijas saturu.
Apmeklējot oHo.lv Jūs apliecināt, ka esat iepazinušies ar oHo.lv lietošanas noteikumiem un apņematies tos ievērot.
© 2000.